លោកមេធាវី រ៉ាន់ សុគន្ធ ជាអតីតនិស្សិតថ្នាក់ពិសេស ផ្នែកនីតិសាស្រ្ត ០២ ភាសា (ខ្មែរ-បារំាង) នៃសាកលវិទ្យាល័យភូមិន្ននីតិសាស្រ្ត និងវិទ្យាស្រ្តសេដ្ឋកិច្ច ឆ្នាំសិក្សា ២០០៨-២០១២ និងសាកលវិទ្យាល័យ លុយមីញ៉ែរ លីយ៉ុង ២ ប្រទេសបារាំង ឆ្នាំសិក្សា ២០០៩-២០១២ ។ លោក បានទទួលបានអាហារូបករណ៍បន្តថ្នាក់បរិញ្ញាបត្រជាន់ខ្ពស់អនុបណ្ឌិត រយៈពេល ០១ ឆ្នាំ កម្រិត Master 2 ផ្នែក”នីតិទំនាក់ទំនងសេដ្ឋកិច្ច និងសហប្រតិបត្តិអន្តរជាតិ” ពីសាកលវិទ្យាល័យ ប័រឌូរ ៤ ប្រទេសបារាំង នៅឆ្នាំ២០១៣។ 

ក្រោយបញ្ចប់ការសិក្សា លោក ធ្លាប់បានបំពេញការងារជាបុគ្គលិកហត្ថការ និងជាមន្រ្តីផ្នែកច្បាប់ រហូតក្លាយជាអ្នកប្រកបវិជ្ជាជីវៈមេធាវី ព្រមទាំងបម្រើការងារជាគ្រូបង្រៀនផ្នែកច្បាប់ នៅតាមបណ្តាសាកលវិទ្យាល័យផងដែរ។

លោកមេធាវី រ៉ាន់ សុគន្ធ មានដើមកំណើតជាអ្នកខេត្តបាត់ដំបង បានបញ្ចប់សញ្ញាបត្រមធ្យមសិក្សាបឋមភូមិ (ឌីប្លូម) ទទួលបាននិទ្ទេស ល្អ នៅឆ្នាំ២០០៥ និងបានប្រឡងបញ្ចប់សញ្ញាមធ្យមសិក្សទុតិយភូមិ (បាក់ឌុប) ទទួលបាននិទ្ទេស ល្អណាស់ B នៅឆ្នាំ២០០៨។ 

មូលហេតុចម្បងដែលបាន លោកជ្រើសរើសសិក្សាមុខវិជ្ជាច្បាប់ ដោយសារ លោកបានសម្លឹងឃើញជាក់ស្តែងថា “យុត្តិធម៌ មានតម្លៃហួសហេតុពេក សូម្បីអ្នកដែលស័ក្តិសមនឹងយុត្តិធម៌ ក៏អាចគ្មានជម្រើស ត្រូវសម្រេចចិត្ត យកអយុត្តិធម៌ ដើម្បីចៀសវាងបន្តខាតបង់ ចុះបើគ្រប់គ្នាមានជម្រើសវិញ ……”។