ការកសាង ក.ស.អ.ន ត្រូវផ្តោតលើ ទំនើបកម្មនៃការបណ្តុះបណ្តាលប្រកបដោយប្រសិទ្ធភាពវ័យឆ្លាត។ ក.ស.អ.ន មានគោលជំហរ សម្លឹងទៅមុខឃើញថា អ្នកសិក្សាច្បាប់ មិនអាចធ្វើត្រឹមជាអ្នកចេះច្បាប់ , វិធីសាស្រ្ត បច្ចេកទេស ចូលខ្លួនជាជំនួយស្មារតី ដល់ការទទួលបានគុណវុឌ្ឍិ ជាអ្នកច្បាប់។ អ្នកសិក្សា ត្រូវផ្ទុកនូវ ចំណេះដឹង វិធីសាស្រ្ត បច្ចេកទេស ជាសមត្ថភាពតតាំងក្នុងសមរភូមិយុត្តិធម៌។

ការផ្លាស់ប្តូរឥរិយាបទសិក្សានីតិសាស្រ្ត ដោយមានរួមបញ្ចូលគ្នារវាងការប្រើប្រាស់ចំណេះដឹងបែបទ្រឹស្តី និងការអនុវត្តសម្តែងទ្រឹស្តី បូកផ្សំជាមួយ វិធីសាស្រ្ត អមដោយបច្ចេកទេស ដើរតួជាមធ្យោបាយសម្រេចលទ្ធផលតែមួយគត់ ដែលអាចសម្រួលភាពឆាប់រហ័ស ចំណេញពេលវេលា ដើម្បីទទួលបានពុទ្ធិនីតិសាស្រ្ត។

ការសិក្សានៅ ក.ស.អ.ន មានរយៈពេលខ្លី ក្រោម ០៦ (ប្រាំមួយ)ខែ ដោយបែងចែកជា ០២ ផ្នែក គឺការសិក្សាផ្នែកទ្រឹស្តី និងការអនុវត្តលំហាត់ បែបវិធីសាស្រ្តគតិយុត្ត និងការសម្តែងជាកិច្ចពិភាក្សាដេញដោល , កិច្ចសន្ទានាច្បាប់ , វេទិកាច្បាប់ ,សវនាការប្រឌិត និងសកម្មភាពបង្រៀននានាផ្សេងទៀត  ដែលកំណត់ជ្រើសរើសបញ្ចូលក្នុងកម្មវិធីសិក្សាដោយ ក.ស.អ.ន ។