មុខវិជ្ជា “នីតិធនាគារ ” ជាមុខវិជ្ជាឯកទេស សម្រាប់និស្សិតដែលបានសិក្សាមូលដ្ឋានគ្រឹះ នៃនីតិ បន្តយល់ដឹងផ្តោតយកជាជំនាញបន្ថែម។ ជាការសង្កេត មុខវិជ្ជានេះ ត្រូវបានដាក់បញ្ចូលនៅក្នុងកម្មវិធីសិក្សាសម្រាប់និស្សិតច្បាប់ឆ្នាំទី ៣ កម្រិតបរិញាបត្រ ឬ ក៏បរិញ្ញាបត្រជាន់ខ្ពស់ ឡើងទៅ។ ការដាក់បញ្ចូលមុខវិជ្ជា ជាការធ្វើទំនើបកម្ម ឲ្យទាន់សម័័យសកលភាវូបនីយកម្ម ដោយហេតុថា ប្រព័ន្ធធនាគាររបស់ប្រទេសកម្ពុជាបានទទួលការអភិវឌ្ឍយ៉ាងខ្លាំងក្នុងរយៈពេលប៉ុន្មានទសវត្សរ៍ចុងក្រោយនេះ។